Jetzt als Podcast anhören:
Zeichnung: Hartmut Gossel
Verehrte Mütter und Mütter*innen
Hans-Peter Schwöbel
Am Sonntag, 10. Mai ist es wieder soweit: Euer Ehrentag leuchtet in Euren Augen, in unseren Augen: Der Muttertag. Der große Mannheimer Mundart-Poet, Hanns-Glückstein (1888 – 1931) hat Euch dazu schon vor über hundert Jahren folgendes Poem gewidmet.
Wonn die Momme verreest is
Hanns Glückstein
Reest die Momme äämol fort,
Führt de Babbe ’s große Wort!
Alles find er wüscht un schlescht,
Niemand macht‘m ebbes rescht!
Schtolz wie’n Eeschbaamschtorze schteht er,
An soim Schnorres wütend dreht er,
Mault un schännt un kommandiert,
Macht Krakehl un resonniert.
Schreit noch Ruh in schtrengem Ton,
Bloost sisch uff wie’n Luftballon,
Rollt die Aache grad wie’n Ochs,
Bellt wie’n dollwutkranker Fox,
Un er kreischt un doobt un schnauzt,
Dunnert, wettert, schpauzt un gauzt.
Heeßt die Buwe Aff un Scheeler
Un die Mädle Randkameeler,
Säugetiere un Reptilie,
Bis de Ältscht vun de Familie
Sisch dann dreht uff ämol rum,
Sescht, deswerd m‘r doch zu dumm,
Daß m‘r werklisch herzlisch froh wär,
Wann die Momme widder do wär,
Denn dann hätt er glei soi Fett,
Weil er nix zu saache hätt!
Himmel-heilisch, Trumpf un Ass!
Nää, do werd de Babbe blaß,
Noochher rot wie’n Kerschekuche,
Un dann fangt er a zu fluche!
Un de Babbe kriggt ä Wut
Un er haut’m uff die Schnuut,
Boxt’m ääni uff de Maache,
Nemmt de fresche Buu am Kraache,
Wischt'm ääni uff de Riescher,
Un er schnauft dezu wie’n Tiger,
Daß die annere klääne Worzle
Ganz entsetzt zum Haus nausborzle!
Noch dem harte Kampftournier
Machta sisch an’s Flaschebier!
Fünfe werre glei gegluckert
Un soi Laun, die werd verzuckert,
Weil soi Männerbruscht verschpürt,
Daß er heit de Mann markiert!
Macht denooch de Eisschrank uff
Setzt vier Cognac owwedruff,
Plotzt ä Sigar nooch de anner,
Trinkt dann alles dorschänanner,
Bis er anfangt fescht zu schwitze,
Un de Babbe hott ään sitze!
Wann soin arg gequälter Maage
Aach des Zeig nit kann vertrage,
Daß‘s fascht zum Hals raus wühlt sisch,
Worschtegal, de Babbe fühlt sisch!
Morge, wann de Kater groß,
Geht’s Theater widder los,
Alles rennt un schpringt un flüscht,
Kummt de Babbe bloos in Sischt!
Awwer dann rückt vor die Uhr,
Daß die Alt kummt ball retour,
Schlenkert er als gschwind noch ääner,
Un dann werd er immer klääner,
Schrumpelt zu’me Danzknopp zamme,
Un uff äämol kummt die Momme,
Un er is beim erschte Wort
Zu’re Dörrquetsch zammegschnorrt!
Zeichnung: Hartmut Gossel
Zu den gesellschaftspolitischen Bizzarien unserer Tage gehört, dass woke Damen und Herr*innen diese Realität leugnen, um mit ihrem Gewäsch von der „toxischen Männlichkeit“ und dem „Patriarchat“ Macht auszuüben. Ich bin vorwiegend von starken Frauen umgeben. Die rollen die Augen oder lachen entspannt, wenn sie von ihrer Unterdrückung durch den Mann erfahren.
Jedenfalls soweit es um die Kultur der Deutschen geht. In Parallelgesellschaften mag es anders aussehen. Vielleicht sollten die „mutigen“ Aktivist*innen diese Gesellschaften beklucken, äh beglücken?
Der Schwöbel-BLOG am Samstag, 09.05.2026
